1 маусым күні «Арықбалық орта мектебі» КММ-де Балаларды қорғау күніне арналған мерекелік іс-шара және мектеп жанындағы жазғы лагерьдің салтанатты ашылуы өтті.
Іс-шара барысында жазғы сауықтыру науқанының басталуы мен балалардың жазғы демалысын қызықты, пайдалы әрі қауіпсіз ұйымдастыруға бағытталған «Қауіпсіз және бақытты жаз» акциясының салтанатты ашылуы өтті.
Оқушылар үшін ойындар, байқаулар, спорттық эстафеталар мен түрлі көңілді бағдарламалар ұйымдастырылды. Балалар көтеріңкі көңіл-күйге бөленіп, достарымен бірге жаздың алғашқы күнін қызықты өткізді.
Акцияның ашылуы барысында қауіпсіздік мәселелеріне ерекше назар аударылды. Балалармен судағы қауіпсіздік, өрт қауіпсіздігі, жол қозғалысы ережелерін сақтау және жазғы демалыс кезіндегі қауіпсіз мінез-құлық туралы түсіндіру жұмыстары жүргізілді.
Мерекелік шара қуанышқа, достыққа және көтеріңкі көңіл-күйге толы атмосферада өтіп, балаларға жарқын әсерлер мен ұмытылмас сәттер сыйлады. Барлық оқушыларға қызықты, пайдалы және қауіпсіз жазғы демалыс тілейміз!
